Ümumtəhsil müəssisələrində birinci dərs Xocalı soyqırımının 21-ci ildönümünə həsr edilmişdir
Bakı, 25 fevral (AZƏRTAC). Xəbər verdiyimiz kimi, Bakı Şəhəri üzrə Təhsil İdarəsinin (BŞTİ) müvafiq əmrinə əsasən, Xocalı soyqırımının 21-ci ildönümünün ümumtəhsil müəssisələrində keçirilməsi barədə tədbirlər planı hazırlanmışdır.
BŞTİ-dən AZƏRTAC-a bildirmişlər ki, fevralın 25-də paytaxtın bütün məktəblərində birinci dərs Xocalı soyqırımının ildönümünə həsr edilmişdir.
Dərs zamanı faciə qurbanlarının xatirəsi bir dəqiqlik sükutla yad edilmiş, Xocalı soyqırımına həsr edilmiş mühazirələr dinlənilmiş, şagirdlərin ifasında ədəbi-bədii kompozisiyalar təqdim edilmişdir.
Həmçinin faciə ilə bağlı fotostendlər, rəsm əsərləri, divar qəzetləri nümayiş olunmuş, soyqırımına həsr edilmiş filmlər göstərilmişdir.
Xatırladaq ki, BŞTİ-nin tədbirlər planına əsasən fevralın 20-dən 26-dək təhsil müəssisələrində Xocalı soyqırımının 21-ci ildönümü ilə bağlı “Xocalı həftəsi” elan olunmuşdur.
Bölmənin digər xəbərləri
