UNESCO-nun Baş direktoru Qahirədə keçiriləcək firon mumiyaları paradında iştirak edəcək
Qahirə, 3 aprel, AZƏRTAC
Aprelin 3-də UNESCO-nun Baş direktoru Odre Azule Misirə səfərə gəlib.
AZƏRTAC xəbər verir ki, o, bu gün axşam Qahirənin mərkəzində keçiriləcək firon mumiyaları paradında iştirak edəcək.
Dünya mətbuatının diqqət mərkəzində olacaq parad zamanı Qədim Misirin 22 hökmdarının və firon xanımlarının Luksordakı məbəddən və Krallar Vadisindən gətirilmiş mumiyaları paytaxtın mərkəzi meydan və küçələri boyu nümayiş etdiriləcək. Mumiyaların “səyahəti” Misir Sivilizasiyası Milli Muzeyində başa çatacaq.
UNESCO-nun Baş direktoru Qahirədən sonra Qədim Misir tarixi abidələrinin olduğu Luksor, Əbu-Simbel və Asuana səfər edəcək.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
