“UNIBANK” YENİ XİDMƏT TƏKLİF ETMİŞDİR
“UniBank”ın riteyl-bankinq üzrə direktoru Faiq Zeynalovun verdiyi məlumata görə, müasir Azərbaycan üçün İnternet vasitəsi ilə alış-veriş təcrübəsi artıq gündəlik fəaliyyət normasına çevrilmişdir. Onun həyata keçirilməsində azərbaycanlı istifadəçilər üçün ödənişin yerinə yetirilməsinin rahat sisteminin olması zəruridir. Buna görə də bank yalnız interaktiv məkanda ödəniş vasitəsi kimi istifadə ediləcək xüsusi “Click” kartını buraxmağı qərara almışdır.
“UniBank” bundan əvvəl öz müştərilərinə “VISA International” beynəlxalq ödəniş sistemi ilə yanaşı həm də internet vasitəsi ilə malların satın alınması zamanı ödəniş vasitəsi kimi istifadə olunan plastik kartlarını təqdim etmişdi.
Müştəri xidmətinin səmərəliliyinin yüksəldilməsi məqsədi ilə bank bu kartı fiziki daşıyıcısız buraxmışdır ki, bu da istifadəçilərə daxil olma kodları haqqında bütün məlumatı elektron poçtuna və ya SMS göndərməklə əldə etmək imkanı verir.
Bölmənin digər xəbərləri
