“ÜNVANLI DÖVLƏT SOSİAL YARDIMI” MÖVZUSUNDA ÜMUMRESPUBLİKA SEMİNAR-MÜŞAVİRƏSİ KEÇİRİLMİŞDİR
Əmək və əhalinin sosial müdafiəsi naziri Füzuli Ələkbərov ölkəmizdə aztəminatlı ailələrin sosial müdafiəsinin gücləndirilməsi məqsədi ilə bu ilin əvvəlindən yeni - ünvanlı dövlət sosial yardımı sisteminin tətbiqinə başlandığını diqqətə çatdırmış, Prezident İlham Əliyevin müvafiq Fərmanının icrası istiqamətində həyata keçirilmiş məqsədyönlü tədbirlərdən danışmışdır. Nazir yardımların təyin edilməsi və ödənilməsi proseslərinin ədalət və bərabərlik prinsipləri əsasında şəffaf şəkildə həyata keçirildiyini vurğulamışdır. O, ünvanlı dövlət sosial yardımı üçün 250 mindən çox ailənin müraciət etdiyini, 60 mindən çox ailənin sənədlərinin qeydiyyata alındığını, hazırda 25 mindən artıq ailəyə bu yardımın təyin olunduğunu bildirmişdir.
Tədbirdə “Ünvanlı dövlət sosial yardımının tətbiqi ilə bağlı görülmüş işlər və qarşıda duran vəzifələr”, “Məşğulluq xidmətinin vəzifələri”, “Təbliğat və reklam kampaniyasının aparılması vəziyyəti”, “Əhalinin sosial müdafiə mərkəzlərinin maddi-texniki bazasının gücləndirilməsi”, “Ünvanlı dövlət sosial yardımın kompyuter proqramının özəllikləri və yenilikləri” mövzularında məruzələr, Astara, Füzuli, Nizami və digər rayonların sosial müdafiə mərkəzləri müdirlərinin hesabatı dinlənilmiş, müzakirələr aparılmışdır.
Bölmənin digər xəbərləri
