UŞAQ MUĞAM İFAÇILARI MÜSABİQƏSİ QALİBLƏRİNİN KONSERTİ OLMUŞDUR
Haqqa düşmən olanı,
Haqqa tapındırdı muğam.
Bəxtiyar Vahabzadə
Heydər Əliyev adına Sarayda Uşaq Muğam İfaçılarının II Respublika müsabiqəsi qaliblərinin konserti olmuşdur.
AZƏRTAC-ın müxbiri xəbər verir ki, konsertin əvvəlində Azərbaycan Respublikasının mədəniyyət naziri Polad Bülbüloğlu çıxışında demişdir ki, respublikada milli musiqi, muğam ifaçılığı sənətini inkişaf etdirmək məqsədi ilə bütün şəhər və rayonlarda müsabiqələr keçirilmiş və qaliblər aşkar edilmişdir. Biz bütün qalibləri təbrik edir, münsiflər heyətinə və müsabiqənin keçirilməsinə kömək göstərənlərə dərin təşəkkürümüzü bildiririk.
Müsabiqənin qalibləri Ülviyyə Rəhimova (Bakı), Turan Eldarov (Şuşa), Elşad Məmmədov (Gəncə), Mustafa Abdullayev (Astara), Mehman Tağıyev
(Naxçıvan), Fəridə Səfərova (Sumqayıt) və başqalarının çıxışları hərarətli alqışlarla qarşılanmış, qaliblərə gül-çiçək dəstələri təqdim olunmuşdur.
Konserti M.Maqomayev adına Azərbaycan Dövlət Filarmoniyasının xalq çalğl alətləri ansamblı (bədii rəhbər professor Ağaverdi Paşayev) müşayiət etmişdir.
Bölmənin digər xəbərləri
