Uşaq və yeniyetmələr üçün küçə fotoqrafiyasına həsr olunmuş ustad dərsi keçirilib
Bakı, 23 may, AZƏRTAC
Uşaqlar və yeniyetmələr üçün “LITTLE YARAT” layihəsi çərçivəsində küçə fotoqrafiyası janrına həsr olunmuş ustad dərsləri təşkil olunub.
“YARAT” Müasir İncəsənət Mərkəzindən AZƏRTAC-a bildirilib ki, “Artım” layihə məkanında reallaşan ustad dərsləri 3 hissədən ibarətdir.
İlk iki dərs - “Fotoqrafiya sənətinə giriş. Nəzəriyyə və mütəxəssis məsləhətləri” və “Şəhərdə gəzinti və çəkiliş” mövzularına həsr edilib. Üçüncü dərs isə ayın 29-da “Çəkilmiş fotoların baxışı və təhlili” adı altında keçiriləcək.
Dərslər Sevinc Aslanovanın rəhbərliyi ilə aparılır.
Bölmənin digər xəbərləri
