VAHİD NƏZƏROV AĞIR ATLETİKA ÜZRƏ AVROPA ÇEMPİONATINDA ƏN YAXŞI MƏŞQÇİ ELAN OLUNMUŞDUR
Bakı, 16 aprel (AZƏRTAC). Azərbaycanın ağır atletika üzrə yığma komandasının baş məşqçisi, Azərbaycan Ağır Atletika Federasiyasının vitse-prezidenti Vahid Nəzərov idmanın bu növü üzrə Buxarestdə başa çatmış Avropa çempionatında ən yaxşı məşqçi elan edilmişdir.
Xatırladaq ki, Azərbaycan yığması qitə birinciliyində ikinövçülükdə iki gümüş medal qazanmışdır. Təkanla və birdən qaldırma üzrə mükafatları da nəzərə almaqla, Azərbaycan ştanqçıları, ümumilikdə, 1 qızıl, 3 gümüş, 1 bürünc medal qazanmışlar. Komanda hesabında Azərbaycan 3-cü yeri tutmuşdur.
Federasiyadan bildirmişlər ki, noyabr ayında Koreya Respublikasında keçiriləcək dünya çempionatına hazırlıq məqsədi ilə yaxın günlərdə Lənkəranda təlim-məşq toplantısı təşkil olunacaqdır.
Bölmənin digər xəbərləri
