Vaksinlərin istifadəsi hansı hallarda mümkün ola bilər?
Bakı, 15 dekabr, AZƏRTAC
Üçüncü faza nəticələri açıqlanmış koronavirusa qarşı vaksinlərin istifadəsi mümkündürmü? Əlbəttə, mümkün deyil.
AZƏRTAC xəbər verir ki, bunu dekabrın 15-də Nazirlər Kabineti yanında Operativ Qərargahın təşkil etdiyi mətbuat konfransında səhiyyə nazirinin müavini Viktor Qasımov söyləyib.
Onun verdiyi məlumata görə, yalnız araşdırmalar zamanı vaksinlərin təhlükəsizlik nöqteyi-nəzərdən müsbət nəticələr verəndən və ölkənin standartlarına uyğun gələcəyi təqdirdə onun istifadəsinə icazə verilə bilər. Yəni ölkədə rəsmi olaraq vaksinlərin istifadəsinə icazə verilməlidir.
Nazir müavini onu da əlavə edib ki, epidemiya (pandemiya) təbii fəlakət və digər fövqəladə hallarda vaksinlərin idxalına və təcili istifadəsinə icazə verilə bilər. Lakin bu, istehsalçı ölkələrdə vaksinlə əlaqədar qeydiyyat sənədlərinin olması, eləcə də Səhiyyə Nazirliyinin Analitik Ekspertiza Mərkəzi tərəfindən parametrlərin araşdırılmasından sonra mümkün ola bilər.
Bölmənin digər xəbərləri
