Vətəndaşların KT və MRT müayinələrini uzun müddət gözləməsi ilə bağlı tədbirlər görüləcək
Bakı, 14 dekabr, AZƏRTAC
“Xəstəxanalarda vətəndaşların KT və MRT müayinələrini uzun müddət gözləməsi ilə bağlı tədbirlər görüləcək”.
AZƏRTAC xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev agentliyin illik fəaliyyəti və strateji hədəfləri mövzusunda mətbuat konfransında deyib.
Onun sözlərinə görə, tibbin sürətli inkişafı avadanlıqların zamanla köhnəlməsinə səbəb olur: “Yeni avadanlıqların alınması da kifayət qədər vəsait tələb edir. Təbii ki, müraciət və tələbatlar nəzərə alınaraq dövlət xəstəxanalarında müvafiq olaraq mərhələli şəkildə tibbi avadanlıqların yenilənməsi təmin edilir. Lakin tibbi cihazların qiymətini nəzərə alsaq, bu prosesin bir anda baş verməsi mümkün deyil. Eləcə də regionlardakı xəstəxanalarda Kompüter Tomoqrafiyası (KT) və Maqnit Rezonans Tomoqrafiyası (MRT) cihazlarının yenilənməsi nəzərdə tutulub. Hətta gələn il bir neçə xəstəxana üçün bu avadanlıqların təmin edilməsi həyata keçiriləcək".
Bölmənin digər xəbərləri
