“Virtual bələdçi” xidməti istifadəyə verilib
Bakı, 23 aprel, AZƏRTAC
“Virtual məktəb” portalından daha rahat istifadəni təmin etmək və yaranan sualları cavablandırmaq məqsədilə “Virtual bələdçi” xidməti istifadəyə verilib.
Təhsil Nazirliyindən AZƏRTAC-a bildirilib ki, xidmətdən faydalanmaq üçün istifadəçilər portalda (www.virtual.edu.az) “Sualınız var?” bölməsində onları maraqlandıran sualları seçməklə, cavablarla tanış ola bilərlər.
Bununla yanaşı, portaldan istifadə üzrə 2 növ texniki dəstək xidməti göstərilir. Vətəndaşlar müraciətlərində tələb olunan məlumatları (çətinlik haqqında qısa təsvir, şagirdin FİN kodu, şagirdin adı, soyadı və atasının adı, oxuduğu sinif və məktəb, doğum tarixi, əlaqə nömrəsi) qeyd etməklə [email protected] elektron ünvanına və yaxud Təhsil Sisteminin İnformasiyalaşdırılması İdarəsinin “Facebook” səhifəsində məktub bölməsinə göndərə bilərlər.
Bölmənin digər xəbərləri
