VLADİMİR MASLAÇENKO BAKIYA GƏLƏCƏK
Bakı, 24 yanvar (AZƏRTAC). Sovet futbol məktəbinin istedadlı nümayəndələrindən biri, hazırda Rusiyanın ən məşhur idman şərhçilərindən sayılan Vladimir Maslaçenko yanvarın 25-dən 28-dək keçiriləcək beynəxlaq futzal turnirində iştirak etmək üçün Bakıya gələcəkdir. AFFA-dan bildirmişlər ki, qonaq turnirin bağlanış mərasimində iştirak edəcəkdir.
Qeyd edək ki, Bakı İdman Sarayında 4 gün davam edəcək ikinci beynəlxalq futzal turnirində Azərbaycan, Moldova, Gürcüstanın milli komandaları və Rusiyanın “Kaspi” klubu mübarizə aparacaqdır.
Bölmənin digər xəbərləri
