VOLEYBOL ÜZRƏ ÖLKƏ ÇEMPİONLUĞU UĞRUNDA MÜBARİZƏ APARACAQ KOMANDALAR MƏLUMDUR
Püşkatmanın nəticələrinə görə, kişilər arasında yüksək liqada 8 komanda iki yarımqrupda çıxış edəcəkdir. “A” qrupunda “Azərneft”, “Saatlı”, “Masallı”, “Lokomotiv”, “B” qrupunda isə “Metro”, “Şəki”, “Naxçıvan” və “Rabitə” klubları təmsil olunurlar. Qadın komandaları da iki yarımqrupda mübarizə aparacaqlar. “A” qrupunda “Rabitə”, “Azəri”, “Azərreyl-3”, “Sumqayıt”, “B” qrupunda isə “Nəqliyyatçı”, “Transpor”, “Qax” və “Mingəçevir” klubları yarışacaqlar. “Azərstar”, “Dəmiryolçu” və “Veteran” komandaları bu çempionatda iştirak etməyəcəklər. Oyunlar noyabrın 17-də başlanacaqdır.
Birinci liqada 7 qadın və 2 kişi komandası mübarizəyə qatılacaqdır. Qadınlar arasında “A” qrupuna “Əli Bayramlı”, “Şəki”, “Gənclik”, “B” qrupuna isə “Avtomobilçi”, “Zenit”, “Kimyaçı” və “Qusar” komandaları daxildir. Xatırladaq ki, kişilər arasında “İmişli” və “Mərdəkan” klubları yarışacaqlar. “Yevlax”, “Zaqatala”, “Lənkəran”, “Cəlilabad” və “Sabirabad” komandaları bu çempionatda oynamayacaqlar. Birinci liqanın oyunlarına noyabrın 24-də start veriləcəkdir.
Bölmənin digər xəbərləri
