Vyanalı gənc koronavirusla mübarizə üçün sayt yaradıb
Vyana, 6 mart, AZƏRTAC
Vyanalı bir tələbə rəsmi qurumların yeni tip koronavirusa qarşı mübarizədə işini yüngülləşdirmək qərarına gəlib.
AZƏRTAC xəbər verir ki, tələbə Konstantin Klinqler hazırda Səhiyyə Nazirliyinin koronavirusla bağlı açdığı qaynar xəttin qəbul olunan zənglərdən yükləndiyini görərək, sayt və mobil tətbiq hazırlayıb. www.coronadetector.com internet səhifəsinin məqsədi virusa yoluxma riskini özünütest əsasında müəyyən etmək və bununla da rəsmi qurumların sual-cavab mərhələsindəki işini asanlaşdırmaqdır. Saytda mərhələli şəkildə verilən sualları cavablandırmaqla hər bir istifadəçi onun özündə və birgə yaşadığı insanlarda yoluxma riskinin nə dərəcədə yüksək olduğunu müəyyən edə bilər.
Vyana İqtisadi Universitetinin hazırladığı internet səhifəsi Səhiyyə və Daxili İşlər nazirliklərinə təqdim olunub. Hər iki qurumdan bu layihənin yoxlanıldığı və təkmilləşdirilərək tətbiqinin mümkünlüyü bildirilib.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
