Xaçmazda yük və minik avtomobilləri toqquşub, ölən var
Xaçmaz, 8 sentyabr, Elxan Yusifli, AZƏRTAC
Sentyabrın 8-də Xaçmazda qeydə alınan yol-nəqliyyat hadisəsi zamanı bir nəfər ölüb.
AZƏRTAC-ın bölgə müxbiri xəbər verir ki, gecə saatlarında Gəndob-Yalama yolunun Xaçmaz rayonu Nərəcan kəndi ərazisindən keçən hissəsində "VAZ-2107" və "KamAz" markalı avtomobillər toqquşub.
Hadisə nəticəsində müxtəlif dərəcəli bədən xəsarətləri alan 1996-cı il təvəllüdlü Ədilov Azər Yadulla oğlu Xaçmaz Rayon Mərkəzi Xəstəxanasına aparılıb. Həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
Bölmənin digər xəbərləri
