XALQ ARTİSTİ ƏLİBABA ABDULLAYEVİN XATİRƏSİ ANILMIŞDIR
Mədəniyyət Nazirliyinin təşkilatçılığı ilə keçirilən tədbirin aparıcısı xalq artisti Əminə Yusifqızı, Azərbaycan Dövlət Mahnı və Rəqs Ansamblının baletmeystri Fərhad Vəliyev və başqaları milli rəqs sənətinin görkəmli nümayəndəsinin həyat və fəaliyyətindən söz açmışlar.
Tamaşaçılara Ə.Abdullayevin vaxtilə quruluş verdiyi süita və rəqslər təqdim olunmuşdur. Xalq artistləri Cəmilə Bayramova, Təranə Muradova, Rüfət Xəlilzadə, ansamblın üzvləri Səid Rüstəmovun “Azərbaycan süitası”, Cahangir Cahangirovun “Bulaq başında”, Eldar Mansurovun “Odlar yurdu” əsərləri ilə yanaşı, “Naz eləmə”, “Qavalla rəqs”, ”Vağzalı”, “Mirzeyi” və digər xalq rəqslərini də ifa etmişlər.
Bölmənin digər xəbərləri
