Xalq artisti Fidan Hacıyeva: Hər bir musiqiçinin repertuarında vətənpərvərlik əsərləri olmalıdır
Bakı, 6 noyabr, AZƏRTAC
Zəfər Günü ərəfəsində AZƏRTAC mədəniyyət və incəsənət xadimləri ilə ölkəmizin qəhrəmanlıq hadisələrini incəsənət vasitəsilə çatdırmağın vacibliyini müzakirə edib.
AZƏRTAC-ın müxbiri Azərbaycanın Xalq artisti və opera müğənnisi Fidan Hacıyeva ilə bu mövzuda söhbət edib.
Xalq artisti söhbət əsnasında deyib: “Ölkəmizin qəhrəmanlıq nümunələri ilə zəngin hadisələri mədəniyyət və incəsənət vasitəsilə əks olunmalıdır. Hər bir müğənninin, bəstəkarın və musiqiçinin repertuarında vətənpərvərlik əsərləri olmalıdır. Bu, həmişə belə olub. Böyük bəstəkarlar həmişə müharibəyə həsr olunmuş simfoniyalar, operalar, mahnılar və romanslar yazıblar. Repertuarımda da bir çox vətənpərvərlik mahnısı var. Uzun müddət hərbi qulluqçu olmuşam və 21 il Azərbaycan Daxili Qoşunlarının Orkestrində solist kimi çalışmışam. Biz daim əsgərlər üçün çıxışlar edir, onları vətənpərvərlik mahnılarımızla ruhlandırırdıq. Bu, çox vacib rola malikdir”.
Bölmənin digər xəbərləri
