XARİCİ İŞLƏR NAZİRLİYİNDƏ GÖRÜŞ
Çin Xalq Respublikasının hökuməti tərəfindən Dünya Səhiyyə Təşkilatının baş direktoru vəzifəsinə namizədliyi irəli sürülmüş xanım Marqaret Çan ölkələrimiz arasında ikitərəfli və beynəlxalq təşkilatlar çərçivəsində, o cümlədən səhiyyə sahəsində qarşılıqlı əməkdaşlığın yüksək səviyyədə olduğunu söyləmişdir.
Seçkiqabağı platforması barədə məlumat verən M.Çan, Dünya Səhiyyə Təşkilatının baş direktoru vəzifəsinə seçiləcəyi təqdirdə Azərbaycan ilə Çin arasında, həmçinin ölkəmizin müvafiq beynəlxalq qurumlarla səhiyyə sahəsində, xüsusi ilə də informasiya və təcrübə mübadiləsi məsələlərində mövcud imkanlardan istifadə edərək, respublikamızın Səhiyyə Nazirliyi ilə əlaqələrin daha da genişləndirilməsinə çalışacağını vurğulamışdır.
Nazir E.Məmmədyarov seçkiqabağı platforması barədə ətraflı məlumat verdiyi üçün qonağa təşəkkürünü bildirmiş və xanım Çanın uzun illərdən bəri səhiyyə sahəsində göstərdiyi xidmətləri yüksək qiymətləndirmişdir.
Ermənistanın azərbaycanlılara qarşı apardığı etnik təmizləmə, soyqırımı siyasəti və ölkəmizə hərbi təcavüzü nəticəsində doğma torpaqlarından məcburi surətdə qovulmuş bir milyona yaxın qaçqın və məcburi köçkünün olduqca çətin şəraitdə yaşadığını diqqətə çatdıran nazir E.Məmmədyarov, ölkəmizin beynəlxalq səhiyyə təşkilatları ilə sıx əməkdaşlıq etməsinin mühüm əhəmiyyət daşıdığını bildirmişdir.
Görüşdə qarşılıqlı maraq doğuran bir sıra digər məsələlər ətrafında da fikir mübadiləsi aparılmışdır.
Bölmənin digər xəbərləri
