XARİCİ SƏRMAYƏÇİLƏR CEYHANA BÖYÜK MARAQ GÖSTƏRİRLƏR
Hilmi Gülər Bakı-Tbilisi-Ceyhan, Kərkük-Yumurtalık və daha sonra Samsun-Ceyhan boru xətləri ilə Ceyhan terminalına daxil olacaq xam neftin 220 milyon tona çatacağını, habelə təbii qazın nəqli sahəsində “Mavi axın” kəmərinin uzadılması, inşa ediləcək Kərkük-Yumurtalık qaz kəməri ilə və Misirdən nəql olunacaq təbii qaz sayəsində bu terminalın əhəmiyyətinin daha da artacağını vurğulamışdır. Onun sözlərinə görə, “Ceyhanda üç neft və üç təbii qaz boru xətti eyni ərazidə kəsişəcək, beləliklə, o, bir enerji mərkəzinə çevriləcəkdir”.
Nazir dünyanın aparıcı şirkətlərinin Ceyhanda neftayırma zavodları tikmək istədiklərini, onlardan bəzilərinin rəsmi şəkildə müraciət etdiyini, digərlərinin isə Türkiyə hökuməti ilə müzakirələr apardıqlarını söyləmişdir. O demişdir ki, artıq “İndian Oil”, “Çalık” və POAŞ şirkətlərinin Ceyhanda neftayırma zavodu tikilməsinə dair rəsmi müraciətləri var. Rusiyanın “LUKoyl” şirkəti də Türkiyədə zavod tikmək istəyir. Bundan başqa, Qazaxıstanın da Samsunda neft emal etmək üçün müraciət edəcəyi gözlənilir.
Bölmənin digər xəbərləri
