“XƏZƏR-4” QAZMA İŞLƏRİNİ BAŞA ÇATDIRMIŞDIR
ARDNŞ-dən AZƏRTAC-a verilən məlumata görə, “Qərbi Abşeron” yatağında bir meydançadan 5 quyunun qazılması başa çatdırılmışdır. Qazma işlərini “Bayıl limanı” Dəniz Kəşfiyyat Qazma İdarəsinə məxsus “Xəzər-4” özüqalxan üzən qazma qurğusu həyata keçirmişdir. Quyulardan biri (169 N-li) 5 ton hasilatla işləmişdir. Hazırda quyular bağlıdır. Onlar ayrıca özülün tikilməsindən və neft kəmərinin çəkilməsindən sonra istismara veriləcəkdir. “Xəzər-4” qurğusu isə elə bu yataqda “Abşeronneft” NQÇİ-nin sifarişi ilə yeni quyular qazmağa hazırlaşır.
Bölmənin digər xəbərləri
