Xocalı soyqırımı bəstəkarların yaradıcılığında
Bakı, 25 fevral, Zərəngiz Mansurova, AZƏRTAC
Fevralın 25-də Azərbaycan Musiqi Mədəniyyəti Dövlət Muzeyində Xocalı soyqırımının 24-cü ildönümünə həsr olunmuş “Xocalıya ithaf” adlı tədbir keçirilib.
AZƏRTAC xəbər verir ki, muzeyin şöbə müdiri Xanım Abdinova “Xocalı soyqırımı bəstəkarların yaradıcılığında” mövzusunda çıxış edib. Bildirib ki, Xocalı faciəsi təkcə azərbaycanlılara qarşı deyil, bütövlükdə bəşəriyyətə, insanlığa qarşı törədilmiş bir soyqırımıdır.
Tədbirdə Üzeyir Hacıbəyli adına Bakı Musiqi Akademiyasının tələbələri və Bülbül adına orta ixtisas musiqi məktəbinin şagirdlərinin ifasında Xalq artistləri Vasif Adıgözəlovun, Sevda İbrahimovanın, Firəngiz Əlizadənin, Fransa bəstəkarı Pyer Tiluanın Xocalı faciəsinə həsr etdikləri musiqi əsərləri səsləndirilib.
Bölmənin digər xəbərləri
