Xocalı soyqırımının 21-ci ildönümü ilə bağlı gürcü dilində www.khojali.ge veb-səhifəsi yaradılmışdır
Bakı, 25 fevral (AZƏRTAC). Gürcüstan Azərbaycanlı Tələbələr Assosiasiyası (GATA) Xocalı soyqırımının 21-ci ildönümü ərəfəsində gürcü dilində www.khojali.ge veb-səhifəsini hazırlamışdır.
Dünya Azərbaycanlı Gənclər Birliyinin mətbuat xidmətindən AZƏRTAC-a bildirmişlər ki, səhifənin gürcü dilində hazırlanmasının məqsədi qonşu Gürcüstan xalqının 1992-ci ilin fevralın 26-da erməni faşistlərinin törətdikləri Xocalı soyqırımı haqqında geniş və düzgün məlumatlandırılmasıdır.
Veb-səhifədə Xocalı soyqırımı zamanı işgəncələrlə, vəhşicəsinə qətlə yetirilmiş insanların sayı, şəkilləri yerləşdirilmişdir. Səhifədə, həmçinin Gürcüstan ictimaiyyətini “Xocalıya ədalət” beynəlxalq kampaniyasını dəstəkləməyə çağırış mətnləri vardır. Bundan başqa, Qarabağın tarixi, bu torpaqların hüquqi aspektlərdən də Azərbaycanın ayrılmaz bir hissəsi olması haqqında geniş və əsaslandırılmış məlumatlar yerləşdirilmişdir.
Gürcüstanda yaşayan azərbaycanlı gənc soydaşlarımız qonşu ölkələrimiz arasında düzgün məlumat mübadiləsində fəal rol oynayırlar. Bu il də onlar Tbilisi başda olmaqla Gürcüstanın müxtəlif şəhərlərində Xocalı soyqırımı ilə bağlı geniş məlumatlandırma kapmaniyasına başlamışlar.
Bölmənin digər xəbərləri
