Yanvar-mart aylarında CQBK üzrə əsaslı xərclər 2,1 milyon dollar olmuşdur
Bakı, 18 may (AZƏRTAC). “bp-Azərbaycan” şirkətindən AZƏRTAC-a verilən məlumata görə, yanvar-mart aylarında sərmayədarların Cənubi Qafqaz Boru Kəməri (CQBK) layihəsi üzrə əsaslı xərcləri 2,1 milyon dollar olmuşdur.
2006-cı ilin sonlarından istismarda olan bu kəmər vasitəsilə Azərbaycandan Gürcüstana, 2007-ci ilin iyulundan isə “Şahdəniz” layihəsinin birinci fazası çərçivəsində Türkiyəyə “mavi yanacaq” nəql olunur.
Birinci rübdə CQBK vasitəsilə gündəlik 15 milyon kubmetr qaz ötürülmüşdür.
Xatırladaq ki, CQBK şirkətinin səhmdarları arasında “bp” (texniki operator) və “Statoyl” (kommersiya operatoru) hərəyə 25,5 faiz, “Azərbaycan CQBK Ltd”, “LUKoyl”, NİKO və “Total” hərəyə 10 faiz və TPAO 9 faiz iştirak payına malikdir.
Bölmənin digər xəbərləri
