YAP Gənclər Birliyinin üzvləri Türkiyədə Ədalət və İnkişaf Partiyasının təbliğat kampaniyasında iştirak edəcəklər
Bakı, 6 avqust (AZƏRTAC). Türkiyədə keçiriləcək prezident seçkiləri ilə əlaqədar Ədalət və İnkişaf Partiyasının təbliğat işində iştirak etmək üçün Yeni Azərbaycan Partiyasının Gənclər Birliyinin nümayəndə heyəti bu ölkəyə səfərə dəvət edilib.
AZƏRTAC xəbər verir ki, “Prezident seçkilərində Ədalət və İnkişaf Partiyasının Gənclik Qollarının Təcrübə Mübadiləsi Proqramı” çərçivəsində avqustun 6-dan 11-dək həyata keçiriləcək səfərdə Yeni Azərbaycan Partiyası Gənclər Birliyinin sədri Seymur Orucov, YAP Gənclər Birliyi İdarə Heyətinin üzvü Həsən Daşdəmirov və YAP Gənclər Birliyi Ofisinin rəhbəri Əli Pənahov təmsil olunacaqlar.
Səfər çərçivəsində rəsmi görüşlərin keçirilməsi, qarşılıqlı əməkdaşlıq, təcrübə mübadiləsi proqramlarının daha tez-tez reallaşdırılması üçün müzakirələr də aparılacaq.
Bölmənin digər xəbərləri
