YAP Tovuz rayon təşkilatında Xocalı faciəsinin ildönümü ilə bağlı tədbir keçirilmişdir
Tovuz, 25 fevral (AZƏRTAC). Yeni Azərbaycan Partiyası (YAP) Tovuz rayon təşkilatında Xocalı faciəsinin 20-ci ildönümü ilə bağlı tədbir keçirilmişdir. Toplantıda təşkilatın sədri Məzahir Bayramov, qadınlar şurasının sədri Arifə Ağayeva və başqaları çıxış edərək, 20 il əvvəl erməni millətçiləri tərəfindən Xocalıda dinc əhaliyə qarşı törədilmiş faciədən danışmış, bu qırğın faktının əsl soyqırımı olduğunu diqqətə çatdırmışlar. Natiqlər Xocalı soyqırımının dünya ictimaiyyətinə çatdırılması istiqamətində respublikada görülən işlərdən danışaraq bildirmişlər ki, gec-tez bu soyqırımını törədən mənfur qonşularımız layiqli cəzalarını alacaqlar.
Tədbirdə vurğulanmışdır ki, soyqırımı qurbanlarının xatirəsi xalqımız tərəfindən daim əziz tutulacaqdır.
Bölmənin digər xəbərləri
