Yaponiyada koronavirusa yoluxanların sayı artmaqda davam edir
Tokio, 24 iyun, AZƏRTAC
Yaponiyada son sutka ərzində koronavirusa yoluxanların sayı daha 57 nəfər artıb, dörd nəfər həyatını itirib.
AZƏRTAC xəbər verir ki, bu barədə Yaponiya Səhiyyə, Əmək və Sosial Təminat Nazirliyi və yerli administrasiyaların ümumiləşdirilmiş məlumatında bildirilir.
Beləliklə, bu ölkədə koronavirusa yoluxanların ümumi sayı 18 min 746 nəfərə çatıb. Koronavirus pandemiyasının əmələ gətirdiyi pnevmoniya nəticəsində 978 nəfər həyatını itirib.
Qeyd edilir ki, infeksiyaya ən çox yoluxma halı paytaxt Tokioda qeydə alınıb - 5 min 840 nəfər. Bundan sonra Osaka prefekturasında 1809, Kanaqavada 1432, Hokkaydoda 1200 və Saytamada 1051 nəfər koronavirusa yoluxub.
Nazirlikdən bildirildiyinə görə, 63 nəfərin vəziyyəti ağır olaraq qalır.
Ümumilikdə 16 min 870 nəfərin sağalaraq xəstəxanaları tərk etdiyi də qeyd edilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
