“Yarımçıq qalmış” tamaşası “Landau School”da nümayiş olunub
Bakı, 24 iyun, AZƏRTAC
Bakı Dövlət Universitetinin (BDU) Mədəniyyət-Yaradıcılıq Mərkəzinin Aprel döyüşlərinin yeddinci ildönümünə həsr etdiyi “Yarımçıq qalmış” tamaşası “Landau School” Təhsil Kompleksində nümayiş olunub.
BDU-dan AZƏRTAC-a bildirilib ki, müəllim-şagird kollektivi tərəfindən maraqla qarşılanan tamaşanın aktyor heyəti, səs rejissoru və rejissoru təşəkkürnamə ilə təltif edilib.
Xatırladaq ki, “Yarımçıq qalmış” tamaşası Mədəniyyət-Yaradıcılıq Mərkəzinin əməkdaşı Vahid Orucoğlunun quruluşçu rejissorluğu ilə universitet tələbələri tərəfindən səhnələşdirilib. Tamaşa Yefim Abramov və Leyla Bəyimin Aprel şəhidlərinin xatirəsinə həsr etdikləri “Xəyalpərvər oğlanlar” əsəri əsasında hazırlanıb.
Bölmənin digər xəbərləri
