Yasamal rayonunda qadına qarşı soyğunçuluq edən şəxs tutulub
Bakı, 6 iyul, AZƏRTAC
Yasamal Rayon Polis İdarəsinin 28-ci polis bölməsinə iyulun 2-də Bakı şəhər sakini S.Yolçuyevanın içərisində 340 manat, 10 avro, 100 ABŞ dolları məbləğində pul, sənəd və təqaüd kartı olan pulqabısının soyğunçuluq yolu talanması barədə məlumat verilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, soyğunçuluq əməlini törətməkdə şübhəli bilinən Bakı şəhər sakini, əvvəllər məhkum olunmuş F.Əliyev polis əməkdaşlarının keçirdikləri əməliyyat-axtarış tədbirləri nəticəsində müəyyən edilərək saxlanılıb.
Faktla bağlı təhqiqat aparılır.
Bölmənin digər xəbərləri
