YEDDİ AYLIQ PROQNOZA 128 FAİZ ƏMƏL OLUNMUŞDUR
Eyni zamanda, icarəyə verilmiş qeyri-yaşayış sahələrindən səmərəli istifadəyə dair bağlanmış müqavilə şərtlərinə əməl edilməsi, dövlət əmlakından hüquqi əsas olmadan istifadə məsələləri və zəbt olunmuş obyektlərin aşkar edilməsi istiqamətində qanunvericilikdə nəzərdə tutulan kompleks tədbirlər həyata keçirilir. Belə ki, bu məqsədlə yaradılan komissiyanın fəaliyyəti nəticəsində dislokasiyadan yayınmış 100-dən çox obyekt aşkar edilmiş və onlar barədə müvafiq məlumatlar dövlət əmlakının registrinə daxil edilmişdir.
Dövlət büdcəsinə olan icarə haqqı borcları dəqiqləşdirilmiş və bu barədə 1000-dək icarəçiyə xəbərdarlıq məktubu göndərilmişdir. Həmçinin, icarə müqavilələri üzrə nəzərdə tutulan bir sıra şərtlərin pozulması halları barədə müvafiq tədbirlər görülmüşdür. Cari ilin ötən dövrü ərzində icarə öhdəliklərini yerinə yetirmədiklərinə görə 500-dən artıq müəssisə və obyekt barədə məhkəmə iddiası qaldırılmışdır. Dövlətə məxsus, yaxud icarəyə verilmiş əmlakın yerləşdiyi ərazilərdə tikinti işlərinin aparılmasının qarşısının alınması üçün mövcud qanunvericilikdə nəzərdə tutulmuş ardıcıl tədbirlər görülür. İndiyədək dövlət əmlakının icarəyə verilməsi üzrə 3200-ə yaxın icarə müqaviləsi bağlanılmışdır.
Kiçik müəssisə və obyektlərin özəlləşdirilməsi prosesinin sürətləndirilməsi də diqqət mərkəzindədir. Cari ilin ötən müddəti ərzində 2 minə yaxın kiçik dövlət müəssisə və obyekti özəlləşdirilmişdir.
Bölmənin digər xəbərləri
