Yeddi tona yaxın çətənə bitkisi məhv edilib
Bakı, 23 iyun, AZƏRTAC
Daxili işlər orqanlarının əməkdaşları yabanı halda bitən narkotik tərkibli bitkilərin aşkarlanaraq məhv edilməsi istiqamətində uğurlu əməliyyat tədbirləri keçiriblər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Xocalı Rayon Polis Şöbəsinin əməkdaşları tərəfindən Mənəşli kəndinin ərazisində 1,4 hektar sahədə yabanı halda bitmiş çəkisi 1 ton 465 kiloqram olan 4188 çətənə kolu aşkarlanıb.
Ağstafa Rayon Polis Şöbəsinin əməkdaşları tərəfindən Qarayazı qəsəbəsinin ərazisində bir hektar sahədə yabanı halda bitmiş, çəkisi 5 ton 352 kiloqram olan 17 min 840 çətənə kolu aşkar olunub.
Çətənə kolları yandırılaraq məhv edilib.
Bölmənin digər xəbərləri
