Yeni çağırış parlament Azərbaycanın daha da inkişafına mühüm töhfə verəcək
Bakı, 1 fevral, AZƏRTAC
Əminəm ki, Azərbaycanda parlament seçkiləri demokratik prinsiplərə uyğun keçiriləcək və layiqli namizədlər parlamentdə təmsil olunacaqlar.
Bunu Secki-2020.az saytına açıqlamasında Ukrayna Azərbaycanlılarının Birləşmiş Diasporunun rəhbəri, hüquq elmləri doktoru Hikmət Cavadov deyib.
Yeni çağırış parlamentin Azərbaycanın inkişafına layiqli töhfə verəcəyinə əminliyini bildirən H.Cavadov deyib: “Parlament dövlət quruculuğunda mühüm rol oynayır. İnanıram ki, yeni tərkibli qanunverici orqan ölkədə aparılan islahatlara təkan verəcək. Ukrayna və Azərbaycan parlamentləri arasında yaxşı əlaqələr mövcuddur. Əminəm ki, gələcəkdə bu əlaqələr daha da genişlənəcək”.
Bölmənin digər xəbərləri
