Yeni standart layihələrinin qəbul edilməsi ilə bağlı müzakirələr aparılıb
Bakı, 29 oktyabr, AZƏRTAC
Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTANDART) tərəfindən təsis edilən “Toxum və əkin materiallarının, tütün və tütün məmulatlarının, qeyri-ənənəvi qida məhsullarının və yem bitkiləri”nin standartlaşdırılması üzrə Texniki Komitənin (AZSTAND/TK 27) növbəti iclası keçirilib.
AZSTANDART-dan AZƏRTAC-a bildirilib ki, iclasda türk standartlarının - TS 13626:2014 “Çovdar unu”, TS 13625:2014 “Yulaf unu” audentik tərcüməsi əsasında hazırlanmış AZS TS 13626:2014 “Çovdar unu”, AZS TS 13625:2014 “Yulaf unu”, o cümlədən AZS XXX:2024 “Qızdırılan tütün məhsulları. Texniki şərtlər” dövlət standart layihələri müzakirə edilib, iştirakçıların rəy və təklifləri dinlənilib.
İclasın sonunda AZSTAND/TK 27 üzvlərinin səsverməsi əsasında yeni standart layihələri qəbul edilməsi üçün AZSTANDART-a təqdim olunub.
Bölmənin digər xəbərləri
