Yunanıstan koronavirusa görə bütün karnaval tədbirlərini ləğv edib
Afina, 3 mart, AZƏRTAC
Yunanıstan koronavirus xəstəliyinə görə ölkədə planlaşdırılan karnaval tədbirlərini ləğv edib.
Ölkənin Səhiyyə naziri Vasilis Kikilias mətbuat konfransında bildirib ki, digər Avropa ölkələri kimi Yunanıstan da bir sıra bayram tədbirlərini təxirə salıb. Xüsusilə İtaliya ilə dəniz sərhəddi olan Patra şəhər limanında karnaval bayram tədbirləri ləğv olunub.
Qeyd edək ki, Yunanıstan son zamanlarda koronavirusun yayılması, eyni zamanda kütləvi qaçqın axının dayandırılması problemləri ilə üzləşib. Hökumət hər iki məsələnin həlli üçün bütün gücünü səfərbər edib.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
