Yunanıstan portalında Azərbaycan həqiqətlərinə dair məqalədə dərc edilib
Bakı, 15 dekabr, AZƏRTAC
Yunanıstanın www.karfitsa.gr xəbər portalında Azərbaycan həqiqətləri ilə bağlı "QALA" Yunanıstan-Azərbaycan Dostluq Dərnəyinin məqaləsi dərc olunub.
Diasporla İş üzrə Dövlət Komitəsindən AZƏRTAC-a bildiriblər ki, məqalədə tarixi faktlara istinadən ermənilərin Qafqazın aborigen sakinləri olmadığı, çar Rusiyası tərəfindən Azərbaycanın tarixi ərazilərinə köçürüldükləri, bu prosesin rus imperiyasının süquta uğradığı, bolşeviklərin hakimiyyətə gəldiyi illərdə və SSRİ dönəmində davam etdiyi bildirilib. Hər fürsətdə ermənilərin azərbaycanlılara qarşı etnik təmizləmələr apardıqları, qırğınlar və soyqırımları törətdikləri, daha çox ərazimizi işğal etməyə çalışdıqları barədə ətraflı məlumat verilib.
"Ermənilər qətl və soyqırımı siyasətinə sadiq qalaraq azərbaycanlılara qarşı qəddar tədbirlər görməkdə davam edirdilər. Onların hücumlarının nəticəsi birinci Qarabağ müharibəsi və 1992-1993-cü illərdə Azərbaycan ərazilərinin işğalı oldu. İşğal olunmuş Azərbaycan torpaqlarının azad edilməsi ilə bağlı BMT-nin 4 qətnaməsi 28 il kağız üzərində qaldı", - deyə məqalədə bildirilib.
Bölmənin digər xəbərləri
