Yunanıstan sahillərində 4,9 bal gücündə zəlzələ olub
Afina, 7 avqust, AZƏRTAC
Yunanıstanın Krit adası sahillərində 4,9 bal gücündə zəlzələ qeydə alınıb.
AZƏRTAC xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanların episentri 137 min sakinin yaşadığı Heraklion şəhərindən 64 kilometr cənubda yerləşib. Zəlzələnin ocağı 15 kilometr dərinlikdə yerləşib. Tələfat və dağıntılar barədə məlumat yoxdur.
Zəlzələ bütün adada, o cümlədən Kritin inzibati mərkəzində - Heraklion şəhərində hiss olunub.
Yunanıstan Avropanın seysmik cəhətdən ən aktiv ölkələrindən biridir. Qitədə baş verən bütün təkanların, demək olar, yarısı burada qeydə alınır.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
