YUNANISTANIN BAŞ NAZİRİ MƏNSUB OLDUĞU PARTİYANIN BAŞ KATİBİ VƏZİFƏSİNDƏN İSTEFA VERMİŞDİR
AZƏRTAC-ın xüsusi müxbiri xəbər verir ki, Yunanıstanın Baş naziri Kostas Simitis “PASOK” partiyasının baş katibi vəzifəsindən istefaya getmişdir. Baş nazir bu addımını martın 7-də ölkədə keçiriləcək parlament seçkiləri ilə əlaqələndirmişdir. Seçkiqabağı dövrdə partiyaya yeni baş katibin seçilməsi və seçkilərə hazırlığın başlanması üçün müəyyən vaxt tələb olunduğunu bildirən Kostas Simitis “PASOK”nın növbədənkənar qurultayının fevralın 6-8-də keçirilməyəcəyinin planlaşdırıldığını da nəzərə çarpdırmışdır. Yunanıstandakı siyasi şərhçilərin fikrinə görə, partiya rəhbərliyinə ən real namizəd, hazırkı xarici işlər naziri Yorqo Papandreudur.
Bölmənin digər xəbərləri
