Zirvə Beynəlxalq Uşaq Oyunlarında üzgüçülük yarışlarının qalibləri müəyyənləşib
Bakı, 27 may, AZƏRTAC
Ümummilli lider Heydər Əliyevin anadan olmasının 96-cı ildönümü münasibətilə keçirilən 7-ci Zirvə Beynəlxalq Uşaq Oyunları davam edir.
AZƏRTAC xəbər verir ki, idmanın 27 növü üzrə 12 ölkədən 4 mindən çox idmançının qüvvəsini sınadığı oyunlarda üzgüçülük yarışına yekun vurulub.
Yarışda yeniyetmə qızlar və oğlanlar arxası üstə, brass və kroll növlərində mübarizə aparıblar. Müxtəlif qruplarda Selcan Abbasova, Aytac Abbasova, oğlanların yarışında Cavid Kərimov, Samir Tağıyev, Əli Quluzadə və Nihat Hüseynov çempion adına layiq görülüblər. Yarışda iştirak edən iranlı idmançılardan Anayka Məleyki də qızıl medal qazanıb.
Bölmənin digər xəbərləri
