14 marşrut xəttinin hərəkət istiqaməti müvəqqəti dəyişəcək

Bakı, 21 iyun, Elvin Camalov, AZƏRTAC

İyunun 26-da Azərbaycan Respublikası Silahlı Qüvvələrinin 100-cü ildönümü münasibətilə keçiriləcək hərbi parad və mərasimin təlim-məşqlərinə hazırlıqla əlaqədar olaraq, iyunun 24-26-da mərasim tam başa çatanadək Neftçilər prospekti – Azneft dairəsi və ətraf küçələrdən keçən marşrut xətləri üzrə avtobusların hərəkət sxemi müvəqqəti dəyişdiriləcək.

Bu barədə AZƏRTAC-a Bakı Nəqliyyat Agentliyindən məlumat verilib.

Bildirilib ki, 1, 2, 4, 5, 6, 18, 21, 32, 46, 65, 88, 125, 175 və H1 (Hava limanı-28 May metro stansiyası ekspress xətti) marşrut xətləri üzrə avtobusların hərəkəti tətbiq ediləcək məhdudiyyətlərə uyğun təşkil ediləcək.