160 KİLOQRAMLIQ GƏLİNLİK PALTARI
AZƏRTAC xarici KİV-lərə istinadla xəbər verir ki, Britaniyanın Qloçester şəhərində 16 yaşlı gəlin Karli Obrayenin valideynləri 30 qatdan ibarət, 3 min qiymətli süni daşla bəzədilmiş 160 kiloqramlıq toy paltarına görə 25 min funt sterlinq ödəmişlər. Gəlin paltarını pərəstiş etdiyi Britaniya modeli Cordanın toy libasına bənzətmək istəmişdir.
Gəlinə toy paltarını geyinmək üçün 9 saat lazım olmuşdur. Lakin Karlinin 2,5 metr diametrlik paltarı kilsənin qapısından keçməmişdir. 20 qonaq yarım saat ərzində gəlini qapıdan keçirməyə səy göstərmiş və onun mehrabın yanına gəlməsinə kömək etmişdir. Gəlin 17 yaşlı nişanlısı Maykl Koffiyə “hə” deyəndən sonra qohumları onu kilsədən əlləri üstündə çıxarmışlar.
Bölmənin digər xəbərləri
