20 YANVAR CƏMİYYƏTİNIN ÜZVLƏRİNƏ QAYĞI GÖSTƏRİLİR
Bakı, 14 yanvar (AZƏRTAC). 20 Yanvar Cəmiyyəti öz sıralarında 140-dan çox şəhid ailəsini və 350-yə yaxın əlili birləşdirir.
Cəmiyyətin cədri Soltan Əzimzadə bildirmişdir ki, dövlətimiz 20 Yanvar əlillərinin və şəhid ailələrinin sosial problemlərinin həlli istiqamətində mühüm işlər görmüşdür.
Ötən dövrdə cəmiyyətin üzvü olan 200-dən çox şəhid ailəsi və əlil mənzillə təmin edilmiş, 100-dən çox əlilə minik avtomobili verilmişdir.
Cəmiyyətin sədri söyləmişdir ki, ötən illərdə olduğu kimi, bu il də Əmək və Əhalinin Sosial Müdafiəsi Nazirliyinin xətti ilə bütün 20 Yanvar şəhidləri ailələrinə və əlillərinə maddi yardım ediləcəkdir.
Soltan Əzimzadə demişdir ki, 20 Yanvar Cəmiyyəti bundan sonra da şəhid ailələri və əlillərin problemlərinin həlli istiqamətində ardıcıl tədbirlər həyata keçirəcəkdir.
Bölmənin digər xəbərləri
