20 YANVAR FACİƏSİ AZƏRBAYCAN TARİXİNİN ƏN QANLI SƏHİFƏLƏRİNDƏN BİRİDİR
Bakı, 15 yanvar (AZƏRTAC). 20 Yanvar faciəsinin iyirminci ildönümü ilə bağlı yanvarın 15-də Azərbaycan Sosial Rifah Partiyası (ASRP) “dəyirmi masa” keçirmişdir.
Tədbir iştirakçıları əvvəlcə Şəhidlər xiyabanına gələrək, Azərbaycanın azadlığı və suverenliyi uğrunda mübarizədə canlarından keçmiş qəhrəman Vətən övladlarının məzarları üzərinə tər çiçək dəstələri düzmüş və “Əbədi məşəl” abidəsi önünə əklil qoymuşlar.
ASRP-nin sədri Xanhüseyn Kazımlı 20 Yanvarın xalqımızın tarixində qəhrəmanlıq salnaməsinə çevrildiyini qeyd etmişdir. Natiq ulu öndər Heydər Əliyevin həyatını təhlükə altına qoyaraq Azərbaycanın Moskvadakı nümayəndəliyinə gələrək, faciəni qınamasını və onu törədənlərin cəzalandırılmasını tələb etməsini cəsarətli addım kimi xüsusi vurğulamışdır.
Çıxış edənlər 20 Yanvar faciəsinin səbəbkarlarını bəşər tarixində insanlığın qəddar düşmənləri kimi qiymətləndirmişlər. Faciənin dünya ictimaiyyətinə çatdırılması üçün həyata keçirilən tədbirlərin davam etdirilməsinin zəruriliyi vurğulanmışdır.
######
 |
 |
Bölmənin digər xəbərləri
