20 YANVAR MİLLİ QƏHRƏMANLIQ TARİXİMİZDİR
Bakı, 13 yanvar (AZƏRTAC). Yanvarın 13-də “Səs” qəzetinin redaksiyasında “20 Yanvar faciəsindən 20 il ötür” mövzusunda “dəyirmi masa” keçirilmişdir.
Milli Məclis deputatlarının, siyasi partiya və təşkilatların rəhbərlərinin iştirak etdikləri tədbirdə qəzetin baş redaktoru Bəhruz Quliyev 20 Yanvarın müstəqillik tariximizə milli qəhrəmanlıq salnaməsi kimi yazıldığını qeyd etmiş, “dəyirmi masa”nın keçirilməsindən əsas məqsədin faciə qurbanlarının xatirəsini anmaq olduğunu bildirmişdir.
20 Yanvarın Azərbaycanın milli qəhrəmanlıq tarixində mühüm mərhələ olduğunu vurğulayan Milli Məclisin aqrar siyasət komitəsinin sədri Eldar İbrahimov faciənin qarşısının alınmamasında o zamankı respublika rəhbərliyini günahlandırmışdır. Deputat faciəyə siyasi və hüquqi qiymət verilməsində ümummilli lider Heydər Əliyevin misilsiz xidmətlərini vurğulamışdır.
Milli Məclisin deputatı Aydın Mirzəzadə Azərbaycan xalqının milli azadlıq hərəkatını boğmaq məqsədi ilə sovet imperiyasının törətdiyi faciənin cinayət olduğunu və xalqımızın 20 Yanvarı unutmayacağını bildirmişdir.
Bölmənin digər xəbərləri
