20 YANVAR XALQIMIZIN QƏHRƏMANLIQ SALNAMƏSİDİR
Naxçıvan, 12 yanvar (AZƏRTAC). Naxçıvan Sərhəd Diviziyasında “20 Yanvar - xalqımızın qəhrəmanlıq salnaməsidir” mövzusunda tədbir keçirilmişdir.
Əvvəlcə şəhidlərin xatirəsi bir dəqiqəlik sükutla yad edilmişdir.
Diviziyanın komandiri çıxışında qeyd etmişdir ki, 1990-cı il yanvarın 19-dan 20-nə keçən gecə Bakı şəhərində ölkəmizin azadlığı, suverenliyi və ərazi bütövlüyü uğrunda mübarizəyə qalxmış günahsız insanlar sovet ordusu tərəfindən gülləbaran olunmuşdur.
Bu qanlı terror hadisəsinə ilk etiraz səsini məhz ümummilli lider Heydər Əliyev ucaltdı. O vaxt ulu öndər Heydər Əliyev Azərbaycanın Moskvadakı daimi nümayəndəliyinə gələrək mərkəzi hakimiyyəti kəskin tənqid etdi, ağır cinayət baş verdiyini bildirdi.
Hadisəyə ilk hüquqi-siyasi qiymət də məhz Heydər Əliyevin Naxçıvan Muxtar Respublikası Ali Məclisinin sədri işlədiyi vaxtda verilmişdir.
Bölmənin digər xəbərləri
