İQTİSADİYYAT
Beynəlxalq Astronavtika Konqresinə gələn qonaqlara aviabiletlər güzəştlə satılacaq VİDEO
Bakı, 12 aprel, AZƏRTAC
Oktyabrın 2-6-da Bakıda keçiriləcək 74-cü Beynəlxalq Astronavtika Konqresində iştirak edəcək qonaqlar üçün "Azərbaycan Hava Yolları" və "Türk Hava Yolları" biletləri güzəştli qiymətlə satacaqlar.
AZƏRTAC xəbər verir ki, bunu “Azərkosmos”un Beynəlxalq Astronavtika Konqresinə hazırlıq departamentinin direktoru Rəna Cəfərova jurnalistlərə açıqlamasında deyib.
R.Cəfərova qeyd edib ki, artıq hər iki aviaşirkətlə razılıq əldə olunub.
Xatırladaq ki, “Azərkosmos”un İdarə Heyətinin sədri Saməddin Əsədov jurnalistlərə açıqlamasında konqreslə bağlı ölkəmizə gələcək qonaqların viza məsələlərinin hava limanında qısa zamanda həll olunacağını bildirmişdi.