31 MART - AZƏRBAYCANLILARIN SOYQIRIMI GÜNÜ İLƏ ƏLAQƏDAR İNTERNET AKSİYA KEÇİRİLİR
Bakı, 31 mart (AZƏRTAC). Gənclər üçün Təhsil Mərkəzində (GTM) 31 mart - Azərbaycanlıların soyqırımı günü ilə əlaqədar internet aksiya keçirilir.
Məqsəd 1918-ci ilin mart-aprel aylarında ermənilər tərəfindən Azərbaycan ərazisində məqsədyönlü şəkildə həyata keçirilmiş kütləvi terror əməliyyatları barədə məlumatların dünya ictimaiyyətinə çatdırılmasıdır.
Aksiya Gənclər və İdman Nazirliyinin təşəbbüsü ilə keçirilən “Gənclər terror əleyhinə” internet aksiyası çərçivəsində GTM üzvləri ilə birgə təşkil edilmişdir.
Aksiya çərçivəsində 10 minə yaxın xarici iş adamının, rəsmi şəxslərin, qeyri-hökumət təşkilatlarının və beynəlxalq qurumların elektron poçt ünvanına 31 mart - Azərbaycanlıların soyqırımı günü ilə əlaqədar dolğun məlumatlar göndərilmişdir.
Hazırda aksiya davam etdirilir.
Bölmənin digər xəbərləri
