Hadi bin Əli əl-Yami: İslam İnkişaf Bankının bütün İslam dünyasında göstərdiyi səylər danılmazdır VİDEO
Bakı, 17 iyun, AZƏRTAC
İslam İnkişaf Bankının (İİB) bütün İslam dünyasında göstərdiyi səylər danılmazdır. Biz uzunmüddətli tərəfdaşlıq qurmaq üçün bu istiqaməti böyük maraqla izləyir və ona xüsusi önəm veririk.
Bu sözləri AZƏRTAC-a eksklüziv müsahibəsində İslam İnkişaf Bankı Qrupunun 51-ci İllik Toplantıları çərçivəsində Bakıda səfərdə olan İslam Əməkdaşlığı Təşkilatının (İƏT) Müstəqil Daimi İnsan Hüquqları Komissiyasının icraçı direktoru Hadi bin Əli əl-Yami deyib.
“Bu gün İslam Əməkdaşlığı Təşkilatının Müstəqil Daimi İnsan Hüquqları Komissiyasının icraçı direktoru qismində İslam İnkişaf Bankının iclaslarında iştirak edirəm. Şübhəsiz ki, ümumi və xüsusi olaraq inkişaf sahəsində İslam İnkişaf Bankı və onun müxtəlif qurumları ilə bizi birləşdirən bir çox ortaq məqamlar var. Bankın fəaliyyət prioritetləri və təşkil etdiyi bu möhtəşəm illik toplantı rəhbərliyin inkişaf hüququnun gücləndirilməsinə, habelə inkişaf sahəsi ilə bağlı bütün beynəlxalq təşkilatları, Maliyyə nazirliklərini və müxtəlif qurumları bir araya gətirməyə verdiyi önəmi əks etdirir. İnsan Hüquqları Komissiyası olaraq biz bu gün inkişafın əsasını məhz insanın təşkil etdiyi prinsipinə əsaslanıb bu böyük toplantıda iştirak edirik. Məqsədimiz İslam dünyasında insanın ümumi inkişafına töhfə verə biləcək müxtəlif tərəfdaşlıq imkanlarını müzakirə etməkdir”, - deyə icraçı direktor vurğulayıb.
Bölmənin digər xəbərləri
