Türkiyənin tanınmış müğənniləri Gəncədə konsert vermişlər VİDEO
Gəncə, 8 may (AZƏRTAC). Gəncədə ümummilli liderimiz Heydər Əliyevin anadan olmasının 91 illiyi münasibətilə keçirilən Gül bayramından sonra Heydər Əliyev Mərkəzinin qarşısında böyük bayram konserti təqdim edilmişdir.
AZƏRTAC xəbər verir ki, bayram tədbirlərinə tanınmış türk müğənniləri Mustafa Ceceli və Hadisə də qatılmışlar.
Gəncə və ona yaxın rayonlardan gəlmiş 70 minə yaxın tamaşaçı konserti böyük maraqla izləmişlər.
Səhnəyə ilk çıxan türk pop musiqisinin məşhur ulduzlarından Mustafa Ceceli türk mahnıları ilə yanaşı, Azərbaycan mahnıları da ifa etmişdir. Daha sonra Mustafa Ceceli səhnəni xanım həmkarı Hadisəyə vermişdir.
Konsertin sonunda hər iki sənətçi ulu öndər Heydər Əliyevə həsr olunmuş “Sən elə bir zivəsən “ adlı Azərbaycan mahnısını ifa etmişlər.
Konsertin sonunda böyük atəşfəşanlıq olmuşdur.
Bölmənin digər xəbərləri
