Azərbaycan ilə Latviya arasında fövqəladə halların qarşısının alınmasında əməkdaşlıq məsələləri müzakirə olunub VİDEO
Bakı, 25 noyabr, AZƏRTAC
Azərbaycan Respublikasının fövqəladə hallar naziri Kəmaləddin Heydərov noyabrın 25-də ölkəmizdə səfərdə olan Latviya Respublikasının iqtisadiyyat naziri xanım Dana Reizniece-Ozola ilə görüşüb.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, görüşdə nazir Kəmaləddin Heydərov Azərbaycanda fövqəladə halların qarşısının alınması və nəticələrinin aradan qaldırılması sahəsində görülən işlərdən, nazirliyin Latviya Respublikasının müvafiq qurumları ilə uğurlu əməkdaşlığından bəhs edib.
Səmimi görüşə görə təşəkkürünü bildirən xanım Dana Reizniece-Ozola Fövqəladə Hallar Nazirliyi ilə ölkəsinin müvafiq qurumları arasında sıx əməkdaşlıq üçün böyük potensialın mövcudluğunu qeyd edib.
Söhbət zamanı qarşılıqlı maraq doğuran bir sıra məsələlər ətrafında geniş müzakirələr aparılıb.
Bölmənin digər xəbərləri
