Elmi seminar: Süni intellekt və kibertəhlükəsizlik
Bakı, 21 may, AZƏRTAC
Mayın 21-də Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün növbəti virtual elmi seminar keçirilib.
Universitetdən AZƏRTAC-a bildirilib ki, seminarda Türkiyənin Qazi Universiteti, Kompüter mühəndisliyi departamentinin əməkdaşı Adem Tekerek “Süni intellekt və kibertəhlükəsizlik” mövzusunda təqdimatla çıxış edib.
Qeyd edək ki, Adem Tekerek Qazi Universitetinin Texnologiya fakültəsi kompüter mühəndisliyi bölməsində dosentdir. O, 2016-cı ildə İnformatika İnstitutunda doktorluq dərəcəsini alıb. Kompüter elmləri üzrə 28 məqaləsi çap edilib. Tədqiqat sahəsi süni zəka və informasiya təhlükəsizliyi tətbiqetmələridir.
Bölmənin digər xəbərləri
