REGİONLAR


Kənd Təsərrüfatı Nazirliyi: 17 regionda imtahan-qeydiyyat məntəqələri yaradılıb

Bakı, 21 iyul, AZƏRTAC 

Baş Dövlət Texniki Nəzarət Xidməti tərəfindən respublikanın 17 regionunda traktor və digər mexaniki nəqliyyat vasitələrini idarə etmək üçün imtahan-qeydiyyat məntəqələri yaradılıb.

Kənd Təsərrüfatı Nazirliyinin ictimaiyyətlə əlaqələr və informasiya təminatı şöbəsindən AZƏRTAC-a bildirilib ki, imtahan-qeydiyyat məntəqələrinin işini daha sürətli, operativ şəkildə və şəffaflıq, nəzakətlilik, məsuliyyət, etik davranış qaydalarına nəzarət və rahatlıq prinsipinə əsaslanaraq vətəndaşlara yerlərdə xidmət göstərməsi məqsədilə xidmət tərəfindən yaradılmış Səyyar Xidmət Qrupu traktor və digər mexaniki nəqliyyat vasitələrini idarə etmək üçün sürücü vəsiqələrinin qısa müddətdə dəyişdirilməsi, verilməsi, dövlət qeydiyyatından yayınmış texnikaların qeydiyyata alınması, nəqliyyat vasitələrinin texniki baxışdan keçirilməsi proseslərini həyata keçirir.

Ötən dövr ərzində qrup tərəfindən Şirvan, Qazax, Quba, İmişli, Masallı, Bərdə, Ağsu, Beyləqan, Ağcabədi, Balakən, Qax, Saatlı, Salyan, Şəki, Şamaxı, Göygöl, Şəmkir, Yevlax, Cəlilabad, Lənkəran, Lerik, Hacıqabul, Siyəzən, Zərdab, Qobustan, Ağstafa, Cəbrayıl, Füzuli və digər bölgələrində 6 mindən çox mexanizatorun etibarlılıq müddəti bitmiş sürücülük vəsiqələri dəyişdirilib, 120 nəqliyyat vasitəsi dövlət qeydiyyatına alınıb, 300-ə yaxın nəqliyyat vasitəsi texniki baxışdan keçirilib, 110 nəfərdən çox vətəndaşlardan nəzəri imtahan qəbul edilib.

İyulun 20-də Şamaxıda Səyyar Xidmət Qrupu tərəfindən Qəbələ, İsmayıllı, Şamaxı və Qobustandan gəlmiş 65 mexanizatorun sürücülük vəsiqələri yenisi ilə əvəz olunub, bir nəfər imtahan verərək traktor və mexaniki nəqliyyat vasitəsini idarə etmək üçün sürücülük vəsiqəsi alıb, 5 nəfər texnikasını texniki baxışdan keçirib, 5 nəfərin texnikası isə dövlət qeydiyyatına alınıb.

Mexanizatorlara səyyar xidmətin göstərilməsini Şamaxıda səfərdə olan kənd təsərrüfatı naziri İnam Kərimov da izləyib.

Nəqliyyat vasitələrinin texniki baxışı zamanı tüstüyə operativ nəzarət portativ cihazı, mexaniki nəqliyyat vasitələrinin sükan idarəetməsinin boşluğunun ölçü cihazı, yolda sınama metodu ilə tormoz sisteminin effektivliyinin ölçü cihazı kimi müasir cihazlardan istifadə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.