DÜNYA


Pentaqon insanları ürək döyüntüsünə görə tanıyan lazer qurğusu hazırlayıb

Bakı, 28 iyun, AZƏRTAC

Pentaqon insanları ürək döyüntüsünə görə məsafədən tanıya bilən lazer qurğusu hazırlayıb.

AZƏRTAC xarici KİV-lərə istinadla xəbər verir ki, “Jetson” adlandırılan texnologiyada dəri səthinin ürək döyüntüsü nəticəsində yaranan titrəyişini müəyyən etmək üçün infraqırmızı lazerdən istifadə olunur. Qurğu 200 metrə qədər məsafədən hətta nazik paltarın altında belə ürək döyüntüsünü müəyyən edə bilir.

İnsan ürəyinin döyüntüsü unikaldır, sifət və barmaq izindən fərqli olaraq onu dəyişmək mümkün deyil. Lakin mütəxəssislərin fikrincə, yeni texnologiyanın zəif nöqtələri də var: isti paltar “Jetson” qurğusu üçün keçilməz maneədir. Bundan əlavə, analiz və məlumat toplanması üçün insan 30 saniyə ərzində nisbətən hərəkətsiz dayanmalıdır. Həmçinin şəxsiyyətin müəyyən edilməsi üçün həmin şəxsin ürək döyüntüsü məlumat bazasında olmalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.